PICNIK ON-LINE-ko IRUDI EDITOREA

Picnik irudiak on-line editatzeko aplikazio bat da. Doakoa izateaz aparte oso erraza da erabiltzeko. Izan ere, izena ematea ez da derrigorrezkoa zerbitzua erabiltzeko. Ordainpeko bertsioaren bitartez aukera gehigarriak eskaintzen badira ere. Firefox eta Chrome nabigatzaileetan extensio gisa jar daiteke.
Hona hemen adibide gisa, gure logotipoari egindako aldaketa txikiak:

GOOGLE BUZZ: APLIKAZIO SOZIAL BERRIA

Buzz-en bitartez, Google beste ahalegin bat egiten ari da Internet sozialaren trena hartzeko, Googleren dema microblogging omen da kasu hponetan, zeren eta zerbitzu honen bitartez, egoera eta iruzkinak jarraitzaileekin partekatu daitezke. Lotura eta argazkiak ere txerta daitezke iruzkinetan, eta, era berean, erabiltzaileen bidalkitetan iruzkinak ere egin daitezke.
Buzz Gmailetik irakur daiteke, hara heltzen dira jarraitutako erabiltzaileen baidalketak eta bakoitzaren bidalketen gainean egindako iruzkinak. Beste zerbitzuekin ere integratuta dago, Google readerrekin, esaterako, horrela erraza da partekatzea Google Readerren irakurritako artikulu bat.
Android eta iPhone sakelako telefonetarako ere eskuragarri dago http://buzz.google.com helbidean.


http://www.google.com/buzz

EGIPTOKO PIRAMIDEAK ESPAZIOTIK IKUSITA

Hemen ditugu ikusgai Egiptoko Piramideak Astro Soichi austronautari esker, egunero espaziotik ateratako argazkiak argitaratzen ditu Twitter-ren bidez
http://twitpic.com/photos/Astro_Soichi

POSTA ELEKTRONIKOA

Iturria: Jabi Asurmendi Sainz / Berria Egunkaria

Webgune arakatzaileekin batera, Internet zerbitzurik erabilenetarikoa POSTA ELEKTRONIKOA da. Mezu elektronikoak hainbat eratan idatzi eta irakur daitezke, sakelako telefonotik, webgune batetik nabigatzaile baten bitartez (WEBMAIL deitzen da) edo ordenagailuaren mahaigaineko aplikazio batekin. Posta elektronikoa izenarekin baino gehiago, munduan zehar ezagunagoa da anglosaxoniar hitzarekin: E-MAIL. Eta ikurrik ospetsuena @ da, a bildua, ingelesez at hitzetik datorrena.

POSTA PROTOKOLOAK EDO ZERBITZUAK

Posta elektronikorako protokolo izenak bere kontua konfiguratu behar izan duen erabiltzailearentzat ezagunak egingo dira noizbait posta elektronikoa irakurtzeko eta idazteko aplikazio batean. izan ere, konfiguratzean galdetu ohi da ea IMAP edo POP3 kontua konfiguratukondugun; eta POP3 sarrera zerbitzaria, SMTP irteera zerbitzaria eta halako kontzeptuak agertzen dira.

SMTP IRTEERA ZERBITZARIA

SMTP irteera zerbitzaria da alegia, posta elektronikoak bidaltzeko erabiltzen den protokoloa edo zerbitzua. Izena SIMPLE MAIL TRANSFER PROTOCOL hitzetatik datorkio, posta transferentzia protokolo sinplea, alegia.

POP3 SARRERA ZERBITZARIA

POP3 sarrera zerbitzaria da, alegia, posta elektronikoak jasotzeko erabiltzen den protokoloa edo zerbitzua. izena POST OFFICE PROTOCOL hitzetatik dator, posta bulego protokoloa, alegia.

IMAP

IMAP INTERNET MESSAGE ACCESS PROTOCOL hitzen sigla da. Protokolo honek modua ematen du jasotako posta elektronikoa zuzenean zerbitzaritik kudeatzeko. Hau da, jasotako posta karpetetan antolatzea edo irakurrita dagoela markatzea ahalbidetzen du, baina ez norberaren ordenagailuan, baizik eta zerbitzarian. Horrek ekartzen duen abantaila mugikortasuna da. IMAP posta kontu bat konfiguratu daiteke hainbat ordenagailutan, etxeko ordenagailuan, ordenagailu eramangarrian, bulegoko ordenagailuan. Eta bakoitzean egindako aldaketak ez direnez lokalki egiten, zerbitzarian baizik, beste ordenagailu batean posta kontu hori erabiliz gero, beste ordenagailuetan egindako aldaketak ere ikusiko dira, zerbitzaritik irakurtzen direlako. Beraz, oso egokiak dira, mugikortasun handia behar duten erabiltzaileentzat. Are gehiago erakunde edo elkarte baten posta kontua bada, elkarte edo erakundeko hainabt pertsona ere sartu ahal baitira, hainbat ordenagailutatik. Orduan mezu bat batek irakurtzen badu, edo erantzuten badu, edo karpeta batean sailkatzen badu, besteek ikusiko dituzte aldaketa horiek guztiak.

POSTA ZERBITZU DOAKOAK

Badaude hainbat gune posta kontu doakoak eskaintzen dituztenak; oso ezagunak badira ere hemen aipatuko ditugu horietariko batzuk.

Microsoften posta zerbitzu doakoak HOTMAIL du izena, eta web gune honetan (estekan) eskura daiteke. Horrek webmail-a baino ez du eskaintzen; berez, ez du eskaintzen POP3, SMTP edo IMAP mahaigaineko aplikazio batean konfiguratzeko aukera. Norberaren postontzirako espazioa handitzen joaten da denbora pasa ahala.

Googleren GMAIL zerbitzua euskaraz dago; webmail zerbitzua eskaintzaeaz gain, POP3 eta SMTP protokoloak zein IMAP konfiguratzea ahalbidetzen du mahaigaineko aplikazio batean. Norberak duen postontziaren espazioa handitzen doa denbora pasa ahala.

Euskalerria.org zerbitzuan euskara hutsez eskaintzen dira posta elektroniko kontu doakoak, eta webmail-a eskaintzeaz gain POP3 eta SMTP konfiguratzea baimentzen du, mahaigaineko aplikazio batetik.

Beste batzuk ere badaude, adibidez, Yahoo-ren posta zerbitzua eta GMX

eTwinning 2010 BIDEO LEHIAKETAREN IRABAZLEA

Hemen duzue ELORRIO BHIk eginiko bideo irabazlea:
ZORIONAK
Ganador del Concurso de Vídeos eTwinning 2010

NOLA SORTU MAPA KONTZEPTUALAK

Hona hemen bideo tutorial bat zure mapa kontzeptuala sortzeko eta garatzeko.
Bideo honetan, modu gidatuan, hasierako egin beharrekoak aurkituko dituzu. Gomendio bezala, jarraitu pausuz pausu bertan azaltzen diren zehaztapen guztiak. Horretarako, zabaldu “CmapTools” programa beste leiho batean eta bideoaren pausu bat ematen dutenean saiatu zure mapa kontzeptualean gauza bera txertatzen. Ez ahaztu IKTak ikasten dira “egiten eta erabiltzen”.

ARTXIBOEN KONPRIMAKETA

hemen duzue bideo bat zertarako eta nola egiten den artxiboen konprimaketa eta deskonprimaketa:

HAITI GOGORATUZ

Cuando el hombre blanco vino nosotros teníamos la tierra y ellos tenían la Biblia.
Nos enseñaron a rezar con nuestros ojos cerrados y cuando los abrimos, ellos tenían la tierra y nosotros la Biblia."

Jommo Kenyatta

SOFTWARE LIBRE-AREN MAPA KONTZEPTUALA

EXE LEARNING TUTORIALA

EXE LEARNING: EDUKIN HEZIGARRIAK SORTZEKO TRESNA
IKUSI HANDIAGO

ZER DA RSS-A?

2008-an egindako ekarpen batean, RSS-a zer den azaltzeko erabilitako esteka desargetu denez, hemen duzue berriz, RSS-ari buruzko tutorial bat

Zer da RSSa?

WEB 1.0tik WEB3.0-ra (Europatik EEBB-ra)

Internet egunero erabiltzen duten gaztetxoei (eta ez horren gaztetxoei) World Wide Web euren ustez non sortu zen galdetuko bagenie, haietako askok, ziurrenik, Estatu Batuetako asmakizuna dela erantzungo ligukete. Eta ez da harritzekoa, estatu horretan bultzatu eta garatu baita Internet gehien. Bertan egin dira diru inbertsio handienak eta sareak eskaintzen dituen aukerei etekina ateratzeko saio aipagarrienak ere.
Baina, Internet Europan jaio zen: Frantzia eta Suitza artean dagoen CERN ikerketa zentroan, orain gutxi mundua irentsiko omen duen zulo beltza sortuko duen partikula azeleragailu erraldoia martxan jarri duten zentro berberean, hain zuzen. Ikerketa zentro hau oso handia denez, bertako zientzialrien arteko komunikazioa eta informazio trukaketa hobetzeko eta azkartzeko asmoz sortu zuen World Wide Web sarea Tim Berners-Lee fisikariak, 1991. urtean. Helburu akademikoarekin sortu zen, beraz.
Hasierako Interneten aro horri WEB 1.0 edo Informazioaren Internet esaten zaio. Hor, erabiltzaileak subjektu pasiboak dira; sarean pilatzen doazen denetariko edukiak kontsumitzen dituzte, baina ez dute informazio jarioan parte hartzen.

Blog eta wikien agerpenarekin, ordea, Internet soziala edo parte-hartzailea etorri zen: egun ezagutzen dugun WEB 2.0 deritzona. hemen, erabiltzailea informazioa kontsumitu, sortu eta hedatzen duen eragile aktiboa da. Wikipedia, Flickr, YouTube eta halako webgune interaktiboen loraldiaren aroa da hau.

Dena den, iraultzarik handiena oraindik etortzear dago; WEB 3.0 edo WEB semantikoak ekarriko duena. Aro horretan, eduki motak bereizteko etiketa sistemen erabilpenari esker, informazioa bereizi eta hobeto sailkatzeko aukera izango da, eta horrek Internet ibilgailu, makina, sentsore eta bestelako gailuen arteko interakzioa ahalbidetuko duen euskarria bihurtuko du.

Horren garrantziaz oharturik, europa Batzordeak, kontinenteak dituen sare azkarrak eta azpiegiturak baliatuz, iraultza horren sustatzaile nagusia izan nahi duela azaldu berri du. Kontinente zaharrak azken urteotan galdutako Interneten gidaritza berreskuratu nahi du, beraz.

Guk, bitartean, Europako sarerik mantsoenak sufritzen eta ADSL tarifarik garestienak ordaintzen jarraituko dugu.

GAITASUN DIGITALAK KLASEAN LANTZEKO HAINBAT ADIBIDE

Hemen dituzue adibide erraz batzuk gure eskoletan gaitasun digitalak sartzeko:

• Adierazi grafikoki bilatutako informazioa mapa kontzeptuala eraikiz. Horretarako cmap tools edo Free mind programak erabil ditzakezu. Ikasleek mapa egiterakoan lantzen duten edukinak hobeto asimilatuko dituzte, ikasteko estrategia batzuk landuko dituzte, informazioaren antolaketa eta analisia egingo dute (ikasi ikasten), hizkuntza mota ezberdinak erabiltzen dituzte. Ikusten duzuenez hainbat oinarrizko gaitasunak lantzen dira eta jarduera mota honekin, "cortar""pegar" albo batera uzten duzu.


• Antolatu on-line eztabaida, klasean landutako gai bati buruzko eztabaida proposatu, adibidez Skype programa erabiliz, multikonferentzia baten bidez, edo antzeko programaren baten bitartez (DimDim)


• Kudeatu ikastetxeko egunkari digitala.


• Proposatu ataza digitalak informazioa bilatzeko Interneten: wikiak, webquestak, miniwebquestak


• Sortu ipuin digitalak.

Proposamen hauek nola lantzen diren jakiteko irakurri gehiago

TUBERADIO

Irrati bihurtu dute YOUTUBE. Askok eta askok musika entzuteko erabiltzen dute YOUTUBE, eta oraingo honetan erraztu egin nahi izan diete lana bideoak ikusteko aukera ere ematen duen irrati zerbitzu baten bitartez.
Ez da ezer instalatu behar eta guztiz doakoa da.
hementxe dituzue beste leku batzuk musika entzuteko:
www.tuberadio.fm
www.lastfm.es
www.spotify.com
www.yes.fm

HEZKUNTZA 2.0: MAPA KONTZEPTUALA

EGILEA: JUAN JOSE DE HARO